കൊച്ചി: ദിലീപുമായുള്ള വിവാഹബന്ധം വേര്‍പെടുത്തുന്നുവെന്നും സിനിമയിലേക്ക് തിരിച്ചുവരുന്നുവെന്നുമുള്ള അഭ്യൂഹങ്ങള്‍ക്കിടെ മഞ്ജുവാര്യര്‍. സ്വന്തം വെബ്‌സൈറ്റുമായി സൈബര്‍സ്‌പേസിലേക്ക് ചുവടുവെക്കുന്ന മഞ്ജുവിന്റെ ഒഫീഷ്യല്‍ ഫേസ്ബുക്ക് പേജും ഉടന്‍ ലോകത്തിനുമുന്നിലെത്തും. മാറിയ ലോകത്തേക്ക് സാങ്കേതികതയുടെ കൈപിടിച്ചുള്ള കടന്നുവരവിന്റെ മൂന്നാംഘട്ടത്തില്‍ ബ്ലോഗെഴുത്തുകാരിയായും മഞ്ജുവിനെ കാണാം.
www.manjuwarrier.com എന്നതാണ് മഞ്ജുവിന്റെ വെബ്‌സൈറ്റ് വിലാസം. ശനിയാഴ്ച മുതല്‍ വെബ്‌സൈറ്റ് ലഭ്യമാകും. മാതൃഭൂമി സ്റ്റാര്‍ ആന്‍ഡ് സ്റ്റൈലിന്റെ ആദ്യലക്കത്തിനുവേണ്ടിയുള്ള മഞ്ജുവിന്റെ അപൂര്‍വ ഫോട്ടോഷൂട്ടിലെ ചിത്രങ്ങളാണ് സൈറ്റിന്റെ പ്രധാന ആകര്‍ഷണങ്ങളിലൊന്ന്. ഇന്നുവരെ കാണാത്ത രൂപത്തിലുള്ള മഞ്ജുവിന്റെ വേഷപ്പകര്‍ച്ച ഇതിനകം ഫേസ്ബുക്കിലൂടെ ലോകമെങ്ങും പ്രചരിച്ചുകഴിഞ്ഞു. ഈ ചിത്രങ്ങള്‍ പൂര്‍ണമിഴിവോടെ സൈറ്റില്‍ കാണാനാകും. മഞ്ജുവാര്യര്‍ എന്ന ബഹുമുഖപ്രതിഭയെ അടയാളപ്പെടുത്തുന്നതാകും വെബ്‌സൈറ്റ്. അഭിനേത്രിയായി തിളങ്ങിനിന്ന കാലത്തിനൊപ്പം നര്‍ത്തകിയായുള്ള രണ്ടാംവരവും ഇതില്‍ തെളിയുന്നു. മഞ്ജു അഭിനയിച്ച സിനിമകളുടെയും നൃത്തപരിപാടികളുടെയും വീഡിയോയും കാണാം. ഫേസ്ബുക്ക് പേജില്‍ സന്ദര്‍ശകര്‍ക്ക് മഞ്ജുവുമായി സംവദിക്കാനുമാകും. പത്തുദിവസത്തിനുള്ളില്‍ ഇത് പ്രവര്‍ത്തനക്ഷമമാകുമെന്നാണ് കരുതുന്നത്. മഞ്ജുവിന്റെ അനൗദ്യോഗിക ഫേസ്ബുക്ക് പേജിനുപോലും മൂന്നുലക്ഷം ആരാധകരാണുള്ളത്.
അമിതാഭ്ബച്ചനെയും സല്‍മാന്‍ഖാനെയുംപോലുള്ള ബോളിവുഡ് പ്രമുഖരുടെയും ലോകോത്തര സ്‌പോര്‍ട്‌സ് താരങ്ങളുടെയും ഡിജിറ്റല്‍ സ്‌പേസ് സ്വന്തമാക്കിയ സി.എ. മീഡിയയെന്ന അന്താരാഷ്ട്ര ഏജന്‍സിയാണ് മഞ്ജുവിന്റെ ഡിജിറ്റല്‍ സംരംഭങ്ങളുടെയും ചുമതലക്കാര്‍.
മാറ്റത്തിന്റെ പാതയിലാണ് താനെന്നതിന്റെ വ്യക്തമായ സൂചനകള്‍ മഞ്ജു ആദ്യമായി നല്‍കിയത് സ്റ്റാര്‍ ആന്‍ഡ് സ്റ്റൈല്‍ അഭിമുഖത്തിലായിരുന്നു. ''അഭിനയത്തിലേക്കുള്ള മടങ്ങിവരവിന്റെ സൂചനയാണോ പുതിയ സംരംഭങ്ങളെ'ന്ന ചോദ്യത്തിന് മഞ്ജുവിന്റെ മറുപടി ഇങ്ങനെ: 'സ്റ്റാര്‍ ആന്‍ഡ് സ്റ്റൈല്‍' പുറത്തിറങ്ങിയപ്പോള്‍ എല്ലാവരും ചോദിച്ചതും ഇതുതന്നെ...'
No comments:
Post a Comment
Like us on Face Book https://www.facebook.com/movierocking