Tuesday, June 11, 2013

അമ്മ ഷോയില്‍ ഞങ്ങള്‍ വെള്ളമടിച്ചു ഫിറ്റല്ലായിരുന്നു: മുകേഷ്

അമ്മ ഷോയില്‍ ഞങ്ങള്‍ വെള്ളമടിച്ചു ഫിറ്റല്ലായിരുന്നു: മുകേഷ്

മലയാള സിനിമ അഭിനേതാക്കളുടെ സംഘടനയായ അമ്മ അടുത്തിടെ ഒരു ഗംഭീര താരനിശ നടത്തി. ദുബായിലായിരുന്നു ആദ്യ ഷോ. മലയാളത്തിലെ ചെറുതും വലുതുമായ താരങ്ങളെല്ലാം ഒന്നിച്ച ഒരു അടിപൊളി ഷോ. താരനിശയില്‍ പങ്കെടുക്കാന്‍ ഭൂരിപക്ഷം താരങ്ങളും ഒരു വിമാനത്തില്‍ ഒന്നിച്ചായിരുന്നു യാത്ര. ആട്ടവും പാട്ടുമായി ഒരു അടിപൊടി ട്രിപ്പ് തന്നെയായിരുന്നു ഇത്. പക്ഷേ, ഒരു കുഴപ്പം പറ്റി. വിമാനം ലാന്‍ഡ് ചെയ്തപ്പോഴേക്കും താരങ്ങള്‍ക്കെതിരേ കുപ്രചാരണങ്ങള്‍ ആരംഭിച്ചു കഴിഞ്ഞിരുന്നു. മദ്യപിച്ചു ഫിറ്റായാണ് ഇവര്‍ വിമാനത്തിനുള്ളില്‍ അടിച്ചു പൊളിച്ചതെന്ന്. ഇതിന് പിന്തുണയേകുന്ന ചില സീനുകള്‍ ചില ചാനലുകളിലും പ്രത്യേക്ഷപ്പെട്ടു. ഇതോടെ ആരാധകരുള്‍പ്പെടെയുള്ളവര്‍ ഉറപ്പിച്ചു. ഇവന്‍മാര്‍ അടിച്ചു പൊളിച്ചത് മദ്യത്തിന്റെ ലഹരി തലയ്ക്കു പിടിച്ച ആവേശത്തിലാണെന്ന്. സംഭവം നടന്നിട്ട് ഏതാനും ആഴ്ചകള്‍ കഴിഞ്ഞു. പശുവും ചത്തു മോരിന്റെ പുളിയും പോയി എന്നു പറയുന്നതുപോലെ ഇതു സംബന്ധിച്ച വിവാദങ്ങളും അവസാനിച്ചു. 

എന്നാല്‍, ഇപ്പോള്‍ നടന്‍ മുകേഷ് വിവാദത്തിനു വിശദീകരണവുമായി എത്തിയിരിക്കുന്നു. ഞങ്ങള്‍ അടിച്ചു പൊളിച്ചത് മദ്യത്തിന്റെ ലഹരിയിലല്ലെന്നാണ് മുകേഷ് വിശദീകരിക്കുന്നത്. സിനിമാക്കാരെ ഏതെങ്കിലും തരത്തില്‍ ആക്ഷേപിക്കുന്നത് ജനങ്ങള്‍ക്ക് എപ്പോഴും സന്തോഷമാണെന്നും അത് ശരിയല്ലെന്നും മുകേഷ് പറയുന്നു. ഇത്തരം ആരോപണങ്ങള്‍ ഉന്നയിക്കുന്നവര്‍ ഭാവനയില്‍ കഥകള്‍ മെനയുകയാണ്. അഞ്ച് നേരം നിസ്‌കരിക്കുന്ന നടന്‍ സിദ്ദിഖ് പോലും വെള്ളമടിച്ച് ലക്കുകെട്ടായിരുന്നു വിമാനത്തില്‍ യാത്രചെയ്തിരുന്നതെന്ന് ആളുകള്‍ പറഞ്ഞുകളഞ്ഞു. ചില മഞ്ഞപ്പത്രക്കാര്‍ താരങ്ങളെ അപമാനിക്കുകയെന്ന ലക്ഷ്യം വച്ച് നടക്കുകയാണ് മുകേഷ് ആരോപിച്ചു.

No comments:

Post a Comment

Like us on Face Book https://www.facebook.com/movierocking

Blog Archive