ചെന്നൈ: നിരവധി സിനിമകളില് മികവാര്ന്ന വേഷമിട്ട മുതിര്ന്ന തമിഴ്നടനും സംവിധായകനുമായ മണിവണ്ണന് (58) അന്തരിച്ചു. ഹൃദയാഘാതത്തെ തുടര്ന്ന് ചെന്നൈയിലായിരുന്നു അന്ത്യം. നാനൂറിലധികം ചിത്രങ്ങളില് അഭിനയിച്ചിട്ടുണ്ട്. അന്പതോളം സിനിമകള് സംവിധാനം ചെയ്തു.
1979 ല് ഭാരതിരാജയ്ക്കൊപ്പം ചേര്ന്ന മണിവണ്ണന് ഇവിടെ നിന്നാണ് സിനിമയുടെ ബാലപാഠങ്ങള് പഠിച്ചത്. സത്യരാജിനെ നായകനാക്കി നാഗരാജ ചോളന് എംഎ എംഎല്എ എന്ന ചിത്രമാണ് ഒടുവില് സംവിധാനം ചെയ്തത്. കഴിഞ്ഞ മെയ് 10 നായിരുന്നു ചിത്രം തീയറ്ററുകളില് എത്തിയത്.
കോയമ്പത്തൂര് ജില്ലയിലെ സുലൂര് ആണ് ജന്മദേശം. തമിഴിനെക്കൂടാതെ മലയാളം, തെലുങ്ക്, ഹിന്ദി, ചിത്രങ്ങളിലും അഭിനയിച്ചിട്ടുണ്ട്. രജനീകാന്തും കമല്ഹാസനും തുടങ്ങി ഇന്ന് തമിഴ്സിനിമയില് നിറഞ്ഞുനില്ക്കുന്ന യുവതാരങ്ങള്ക്കൊപ്പവും സഹതാരവേഷങ്ങളില് മണിവണ്ണന് അഭിനയിച്ചിട്ടുണ്ട്.
No comments:
Post a Comment
Like us on Face Book https://www.facebook.com/movierocking