കളിമണ്ണില്‍ ശ്വേതയുടെ ഗ്ലാമര്‍ നൃത്തം വേണ്ടി വന്നു : ബ്ലെസ്സി

ഷൂട്ടിംഗിന്റെ തുടക്കം മുതല്‍ വിവാദങ്ങളിലായ കളിമണ്ണിന്റെ സംവിധായകന്‍ ബ്ലെസി പുതിയ വെളിപ്പെടുത്തലുകളുമായി രംഗത്ത്. കളിമണ്ണിലെ നായിക ശ്വേതാ മേനോനെ കൊണ്ട് ഗ്ലാമര്‍ നൃത്തം ചെയ്യിപ്പിച്ചത് സംബന്ധിച്ചാണ് ബ്ലെസി പുതിയ പ്രസ്താവന നടത്തിയിരിക്കുന്നത്. മുംബൈ തെരുവില്‍ നടക്കുന്ന ഗാനരംഗത്തില്‍ നായികയുടെ ഗ്ലാമര്‍ വേഷം ആവശ്യമായിരുന്നു. അധോലോകവുമായി ബന്ധമുള്ള കഥാപാത്രമായാണ് സുനില്‍ ഷെട്ടി അഭിനയിക്കുന്നത്. സുനില്‍ ഷെട്ടിയെ അന്വേഷിച്ചെത്തുന്ന അന്വേഷണ ഉദ്യോഗസ്ഥയാണ് ശ്വേതമേനോന്‍. ബോളിവുഡ് രീതിയിലാണ് ഗാനരംഗം ചിത്രീകരിച്ചിരിക്കുന്നതെന്നും ബ്ലെസി പറഞ്ഞു.തന്റെ മറ്റു ചിത്രങ്ങളിലൊന്നും ഇത്തരം ഗാനരംഗങ്ങള്‍ ഉപയോഗിച്ചിട്ടില്ല, അതിന്റെ ആവശ്യവും ഇല്ലായിരുന്നു. എന്നാല്‍ കളിമണ്ണില്‍ എനിക്കത് ചെയ്യേണ്ടി വന്നു. കളിമണ്ണില്‍ ഒരു നര്‍ത്തകിയുടെ റോളുള്ള ശ്വേതയെ കൊണ്ട് ഗ്ലാമര്‍ ഡാന്‍സ് ചെയ്യിപ്പിക്കുകയായിരുന്നു. മികച്ച രീതിയില്‍ വസ്ത്രങ്ങള്‍ ധരിച്ച ശ്വേത നൃത്തം ഗംഭീരമാക്കിയെന്നും ബ്ലെസി പറഞ്ഞു.